Gadisa suma en Vigo un novo Claudio Express, localizado na zona portuaria da capital olívica, concretamente na Avenida de Beiramar. Un concepto de tenda rápida, cómoda e económica para completar os servizos do complexo, que conta tamén con gasolineira, cafetería, prensa, boxes de lavado e aspirado e butano.
O punto de venda da compañía líder de distribución en Galicia está pensado para cubrir as necesidades básicas de alimentación, droguería e hixiene dos clientes, que teñen á súa disposición unha variedade seleccionada de 700 artigos.
A aposta da compañía por Vigo reflíctese en que este é o sexto Claudio Express que abre na cidade. Os outros cinco están situados no barrio do Calvario (Rúa Portela), a Avenida de Madrid, Avenida do Aeroporto, Praza de España e Rosalía de Castro.
Este complexo xera 12 postos de traballo. Más de 950 profesionais forman parte do equipo humano da franquía Claudio, que contribúe á dinamización socioeconómica, principalmente de pequenos e medianos núcleos de poboación.