A concelleira de Participación e Servizos á Veciñanza, Cristina López, acompañada pola xefa de servizo de participación, Amparo Rubinos, asiste durante esta fin de semana ao III Econtro de Mercados Tradicionais que se está a celebrar no Mercado da Boquería, en Barcelona, organizado pola coordinadora estatal de mercados tradicionais de abastos METRAE. A concelleira de Participación asiste a esta mostra "co obxectivo de continuar a mellorar os servizos que prestamos en dúas instalacións referenciais como son a Praza de Abastos e o Mercado Municipal de Quiroga Ballesteros".
No encontro participan os responsábeis dos principais mercados tradicionais do estado, onde amosarán os seus distintos proxectos e, a través de mesas redondas e varias sesións paralelas, se porase en común o funcionamento de cada unha das instalacións.
“Seguimos traballando para que a Praza e o Mercado cheguen a ter o total dos seus postos ocupados e en funcionamento" declarou Cristina López, que destacou que “na Praza e no Mercado atopamos produtos de calidade, ao mesmo tempo que recibimos a atención persoal das e dos distintos profesionais de cada posto”.