Aprobados os plans de sustentabilidade turística da Vía Verde Compostela-Tambre-Lengüelle e dos Fogóns do Anllóns

O pleno da Deputación da Coruña aprobou o venres por unanimidade os convenios coa Axencia de Turismo de Galicia para o desenvolvemento de dous novos plans de sustentabilidade turística (PSTD): o da Vía Verde Santiago-Tambre-Lengüelle, cun investimento de 1.375.000 euros e o dos Fogóns do Anllóns, dotado con 1,5 millóns de euros.

Ambos PSTD desenvólvense ao abeiro do Plan de de Recuperación, Transformación e Resiliencia do Goberno de España, financiado pola Unión Europe- NextGeneration EU, e teñen como eixes centrais de acción fomentar a transición verde e sostible, a eficiencia enerxética, a transición dixital e a competitividade turística.

O Goberno de España concedeu 6 millóns de euros á Deputación da Coruña para impulsar un total de catro PSTD que chegan a 22 concellos da provincia.