Éxito da Noite do Patrimonio nas Cidades Patrimonio da Humanidade de España no 30 aniversario do Grupo

Miles de persoas gozaron da Noite do Patrimonio. A Nit do Patrimoni. A Noite do Patrimonio, un evento único en Europa, polo que ese abren en horario nocturno e de forma gratuíta os principais monumentos, castelos, palacios e catedrais do país, no marco dun extenso programa cultural que incluíu máis de 300 actividades e os espectáculos do Festival Escena Patrimonio. O éxito da Noite do Patrimonio 2023 puxo o colofón á conmemoración do 30 aniversario do Grupo de Cidades Patrimonio da Humanidade de España, unha data histórica para o Grupo, que onte celebrou en Ávila a Asemblea Extraordinaria XXX Aniversario, presidida polo alcalde de San Cristóbal de la Laguna, Luís Yeray Gutiérrez, e co alcalde de Ávila, Jesús Manuel Sánchez Cabrera, como anfitrión. Na Asemblea, aprobouse o manifesto do XXX Aniversario, que marca a estratexia de traballo conxunto para as próximas décadas e aprobouse conceder o prestixioso Premio Patrimonio 2024 á cidade de Marrakech, "en apoio a unha cidade monumental extraordinaria e en solidariedade con todo o pobo marroquí".

Segundo o presidente do Grupo, "o balance da Noite do Patrimonio é moi satisfactorio porque miles de persoas encheron os nosos centros históricos nunha noite máxica nos monumentos máis importantes do noso país, con afluencia multitudinaria para gozar de espectáculos de alto nivel e dun ambicioso programa de actividades para todos os públicos e de carácter gratuíto. Foi a gran festa da cultura nas 15 Cidades Patrimonio da Humanidade, orgullosas de todo o que ofrecemos ao mundo, na data na que celebramos o XXX aniversario do Grupo".