Gadis volveu a reunir a representantes de 200 ONG e entidades do terceiro sector nun novo foro que, nesta ocasión, convocouse para profundar sobre os retos ambientais aos que se enfronta a sociedade. A cadea de supermercados quixo poñer o foco e ser altofalante de proxectos que promoven a sustentabilidade, xeran conciencia sobre a importancia de preservar a contorna e contribúen a coidar o planeta desde diferentes perspectivas e ámbitos de actuación. Un espazo de encontro para abrir debate e intercambiar experiencias, que se desenvolveu de forma presencial e vía streaming.
A directora de Marketing de Gadisa Retail, Melisa Pagliaro, deu a benvida a todos os participantes agradecendo o labor esencial que prestan as ONG e entidades ante os diversos desafíos globais, desde a convicción de que a sustentabilidade económica, social e ambiental é un valor fundamental no presente pero, sobre todo, para o futuro. Esta é o sinal de identidade da compañía, cun modelo de negocio sostible, baseado na economía circular e comprometida con xerar impacto positivo na súa contorna.
Despois da súa intervención, tomou a palabra Daniel Fernández, en representación de COGAMI (Confederación Galega de Persoas con Discapacidade). “Coidando o planeta, tamén desde as entidades sociais” é o taller que impartiu para trasladar a mensaxe de que todas as entidades, sexa cal sexa o seu propósito, deben de asumir como propio o reto de mellorar a protección ambiental.
A mesa redonda articulouse ao redor de 3 dos 17 Obxectivos de Desenvolvemento Sostible fixados na Axenda 2030 de Nacións Unidas: ODS 4 (Educación de calidade), ODS 12 (Produción e Consumo Responsables) e ODS 15 (Vida de Ecosistemas Terrestres) co fin de darlle un enfoque multidisciplinar ao debate e poñer de relevo que cada proxecto conta para lograr un mundo máis sostible.