Os viños premiados na XXXV Cata Oficial da LXXI Festa do Albariño de Cambados foron Puerta Santa, con Medall de Ouro, elaborado na subzona do Condado polo grupo Rebooreda-Morgadío; mentras que as medallas de prata e bronce quedaron na subzona de O Salnés, sendo estas respectivamente para Pazo de Rubianes, da adega vilagarciana do mesmo nome; e Bouza do Rei, da adega homónima de Ribadumia.
Na cata oficial da Festa do Albariño participaron 55 marcas amparadas polo CRDO Rías Baixas, que abrangue, como de todos é sabido 5 subzonas: O Salnés, O Condado do Tea, O Rosal, Soutomaior e Ribeiras do Ulla, esta última a cabalo entre as provincias de Pontevedra e A Coruña.
A próxima gran cita báquica do verán será a Festa do Viño do Condado do Tea, en Salvaterra do Miño, o último fin de semana de agosto. Alí elixiranse os viños Deliciosos do Ano.