Os estudantes puideron abordar cuestións que inflúen no resultado final da carne, coma a súa maduración, o temperado ou o corte, ademais de coñecer as múltiples pezas do vacún e os seus diferentes usos culinarios. Traballaron directamente co produto certificado, tanto na preparación previa coma no cociñado final, aplicando as mellores técnicas e consellos para sacarlle o máximo sabor e moleza en cada preparación.
Previamente, recibiron unha clase teórica sobre a Indicación Xeográfica Protexida e sobre a relevancia deste selo como aval da orixe e da calidade do vacún galego. Tamén aprenderon que tipo de animais pertencen a Ternera Gallega e a Vaca Galega-Boi Galego, como se alimentan e se crían, e en que consiste o sistema de control e trazabilidade que aplica o Consello Regulador desde as ganderías ata os puntos de venda.