A obtención do selo de garantía permitirá á empresa incluír a nova sinalización coa que se identifica nas súas fachadas ás empresas adheridas a Galicia Calidade, así como engadir o distintivo nas diferentes accións para a súa promoción comercial.
A queixería Santo André naceu como consecuencia da transformación que o propietario Carlos Reija, levou a cabo na súa explotación gandeira en 2010, dedicando parte da produción de leite cara á transformación, atopando o seu principal valor na diferenciación e na exclusividade. Céntranse exclusivamente na elaboración de queixos desde o 2015, ano no que obtiveron o recoñecemento como mellor queixo curado de España no salón Gourmet de Madrid.