O presidente de Origen España e do Consello Regulador das IXP de Carne de Vacún de Galicia, Jesús González, sinalou que este encontro foi esencial para seguir “o pulso do sector de cara aos próximos meses, con temas destacados como a revisión lexislativa das Indicacións Xeográficas”. Ademais, dixo, permitiu abordar “numerosos asuntos técnicos e institucionais para enfocarse en obxectivos factibles e comúns, que repercutan positivamente nas Indicacións Xeográficas agroalimentarias nacionais”. Jesús González engadiu que o número de asociados de Origen España creceu notablemente nos últimos anos, polo que cada vez son máis as cuestiones técnicas nas que a organización debe involucrarse como representante sectorial.