Abelán (D.O. Rías Baixas) e Viña Vella (D.O. Ribeira Sacra) son os mellores branco e tinto de Galicia segundo se desprende dos viños premiados nas Catas de Galicia 2023, cuxo acto de entrega de premios foi clausurado polo conselleiro de Meddio Rural, José González, este mesma tarde no Pazo de Quián, en Boqueixón.
Asimismo recibiron Acios de Ouro JM El Godello de Juan Míguez (D.O. Ribeiro), Joaquón Rebolledo (D.O. Valdeorras), Veiga Princesa (D.O. Rías Baixas), Vía Arxentea (D.O. Monterrei), Reboraina (IXP Ribeiras do Morrazo); Terra de Asorei (Espumosos), A Telleira Loureiro (Variedades senlleiras), 1904 Viña Vella (Viños con madeira); Solío (Colleiteiros e pequenas adegas) e Terra de Mares (Colleiras anteriores), todos eles brancos.
En tintos mereceron Acio de Ouro, segundo a valoración do panel de cata Matilda Nives (Ribeira Sacra), 12 Adega Vella (Viños con madeira); Romeo Domain (Colleiteiros e pequenas adegas), Ó Prómine (Colleitas anteriores).
No eido dos destilados, Lagar de Cervera levou o Pote de Ouro na IX Augardente de Galicia; Meu Ceoi na IX Augardente de Herbas, Abadía da Cova Ouva en IX Augardente Envellecida; Pazo de Valdomiño na IX Licor de Herbas e Tamtum na IX Licor Café.
Na edición deste ano das Catas de Galicia inscribíronse un total de 384 mostras de viño, concretamente, 264 de branco e 120 de tinto, procedentes de 166 adegas das cinco denominacións de orixe e das catro indicacións xeográficas protexidas de viños galegos.
Así mesmo, rexistráronse un total de 44 mostras amparadas polas indicacións xeográficas das augardentes e licores tradicionais de Galicia, pertencentes a 16 empresas. Neste caso con 14 de augardente de Galicia, 5 de augardente envellecida, 5 de augardente de herbas, 8 de licor de herbas e 12 de licor café.