Lugo busca fondos europeos para a mellora, rehabilitación e posta en valor da Casa Consistorial para uso turístico

 

O executivo lucense de Lara Méndez acordou concorrer á convocatoria de axudas do Ministerio de Industria, Comercio e Turismo, para o Programa de mellora da competitividade e de dinamización do patrimonio histórico con uso turístico, no marco do Plan de Recuperación, Transformación e Resiliencia. Así o avanzou a rexedora, quen explicou que “a contía da axuda solicitada ascende a 2,7 millóns de euros, co obxectivo de poñer en marcha un proxecto de mellora, rehabilitación e posta en valor da Casa Consistorial, a casa de todas e todos os lucenses, coa finalidade de modernizar o edificio, facelo máis eficiente, cómodo e totalmente accesible para que poida ser visitado e coñecido por todas e todos os cidadáns interesados”.