Novo éxito de inscrición nas actividades ecoturísticas do programa ‘Vive o Rio Minho’ organizadas pola Deputación de Pontevedra e o AECT Rio Minho para promocionar o Rio Miño como destino turístico transfronteirizo. De novo, as prazas dispoñibles para a actividade deste sábado, consistente nunha visita cultural a Arbo e a Melgaço e unha xornada de ‘rafting’, esgotáronse en apenas minutos.
A seguinte xornada para a que se abrirá inscrición o vindeiro luns será a do sábado 27 de maio, que se desenvolverá entre Monção e Salvaterra de Miño, onde se realizará unha ruta circular de sendeirismo (12 km e dificultade media) polos Longos Vales de Monção, unha visita guiada a Salvaterra de Miño, e unha visita e degustación no Museo da Ciencia do Viño.