Increcemento do 20,25% nas visitas as oficinas turísticas de Sanxenxo durante a Semana Santa respecto ao mesmo período de 2022

 

O número de visitantes ás oficinas de turismo de Sanxenxo e Portonovo rexistrou un crecemento do 20,25% a pasada Semana Santa respecto ao mesmo período de 2022. Un indicador que se suma ao crecemento do consumo de auga e de recollida de lixo no municipio.

Nos datos das oficinas de turismo destacan que os visitantes que se achegaron a estes puntos foron maioritariamente do territorio nacional encabezados por Madrid (35,74%), País Vasco (13,36%), Galicia (13%), Castela León (7,94%), Cataluña (7,58%) e Asturias (5,78%). En canto aos turistas internacionais, destacan os procedentes de Portugal e de Inglaterra.