A cita co preciado ciclóstomo, seña de identidade da localidade, chega esta fin de semana, dende mañán venres ata o domingo día no que remata o mes de abril. Ocasión para escaparse ata a localidade miñota e entregarse aos praceres deste prehistórico peixe cando a súa tempada está chegando ao seu fin, o que acontece coincidindo co canto do cuco, momento no a lamprea "está cucada" e xa non sirve para comer.
Aínda que tamén fóra de tempada os arbenses souberon sacarlle partido ao resto do ano co preza ciclóstomo seco, un exquisito afumado que admite o recheo de ovo e xamón e que tamén pode tomarse con fideos e tirabeques o como friame saborsísimo.
A Festa da Lamprea é a máis antiga de Galicia entre as gastronómicas e pódese degustar na Arbomostra, “Feira Agroindustrial e Artesanal da Bisbarra do Condado-Paradanta", en distintas elaboracións acompañada dos viños das adegas de Arbo presentes na Feira, e gozar dunha ampla e variada programación cultural.