Os rexedores dos concellos que integran a Vía Künig renovan o seu compromiso para a posta en valor desta variante do Camiño Francés

 

A alcaldesa de Lugo, Lara Méndez, asinou na casa consistorial xunto co resto dos alcaldes dos municipios polos que pasa a Vía Künig na provincia lucense un novo convenio onde se renova o compromiso dos concellos de Lugo, As Nogais, Becerreá, Baralla e O Corgo na defensa, promoción, difusión e posta en valor desta variante medieval do Camiño Francés.

 

Neste senso, durante a firma se destacou o acordo acadado hai tres anos para sumar esforzos co obxectivo de impulsar de maneira máis eficaz actuacións para o coidado deste vía, patrimonio histórico e un importante recurso turístico.