A Deputación de Lugo abre hoxe o prazo para reservar praza nas rutas fluviais pola Ribeira Sacra. A compra de billetes para a nova tempada, que arrancará o vindeiro 1 de abril, nas vésperas da Semana Santa, poderá facerse a través da páxina web reservas.rutasembalses.es na que o visitante poderá coñecer todos os detalles das diferentes viaxes. Todas as persoas interesadas en coñecer as paisaxes do sur da provincia a bordo dos catamaráns da institución provincial poden formalizar a súa reserva tamén de luns a venres, en horario de 09:00 a 14:30 horas, no correo electrónico catamaranes.turismo@deputacionlugo.org ou no teléfono 982.260.196