Outras catro zonas comerciais de concellos de Pontevedra contarán con espazos de descanso intelixentes

 

Os programas “Commerce Inside” e “Da túa man” da Deputación de Pontevedra continúan dotando de vida ao comercio local dos concellos da provincia. En concreto, a cidadanía de Nigrán, Baiona, Tui e Soutomaior xa pode desfrutar das súas novas zonas de descanso verdes, que entregou o deputado provincial Santos Héctor aos respectivos gobernos. En total, ao longo dos últimos meses instaláronse estas áreas de descanso en 20 concellos da provincia ao abeiro dos proxectos “Da túa man”, dirixido a municipios para o apoio a mercados, zonas urbanas comerciais, comercio non sedentario e canles curtas de comercialización, e “Commerce Inside”, dirixido a concellos turísticos.