Un decreto aprobado no último Consello da Xunta modifica a estrutura orgánica da Consellería co obxecto de cubrir as necesidades da evolución da actividade marítimo-pesqueira en Galicia, o que fai que a cadea mar-industria adquira cada vez máis peso na xeración de novos produtos transformados.
As modificacións axudarán os administrados porque axilizarán cuestións que lles xurdan no marco da súa actividade. De feito, o departamento dependente da Xunta procurará continuar coa optimización da xestión dun sector que supón case un 5% do PIB Galego e que se relaciona con máis dun 90% das actividades económicas da comunidade.