687 comerciantes e hostaleiros recibiron formación do plan de dinamización económica Localmente Lucense

 

A alcaldesa de Lugo, Lara Méndez, e a tenente de alcaldesa e concelleira de Desenvolvemento Local e Emprego, Ana González Abelleira, fixeron un balance positivo en relación aos cursos de formación online e asesoramento a comerciantes e hostaleiros de Lugo inscritos no movemento Localmente Lucense, na parte estratéxica do ‘Plan de fomento do emprendimiento e consolidación empresarial’. O 100% das empresas inscritas tiña entre 1 e 9 traballadores e traballadoras.