Vigo acenderá as súas luces navideñas o 19 de novembro, o que significa, dixo o alcalde, Abel Caballero, que “o Nadal arranca ese día en todo o planeta”.
A decoración deste ano terá máis beleza e atraccións que nunca, ademais dun aforro enerxético “importantísimo”, dun 14,6 por cento. “Desde o 19 de novembro, todo o mundo está invitado a gozar do Nadal de Vigo”, concluíu.
O alcalde lembrou este martes que durante os días nos que se celebrou a feira de Conxemar -martes 4, mércores 5 e xoves 6 de outubro - os hoteis de Vigo volveron estar ao 100% de ocupación.
Neste punto e seguindo coa importancia turística da cidade, engadiu que a fin de semana do acendido das luces, os hoteis de toda a provincia volverán colgar o cartel de completo porque a chamada do Nadal é “inconmensurable”.