A Deputación da Coruña outorga 30 axudas para investimentos e actividades medioambientais


A Deputación da Coruña outorga 30 axudas para financiar investimentos e actividades medioambientais. Así o recolle o Boletín Oficial da Provincia que da conta da concesión provisional dos dous programas de subvencións, que contan cun orzamento total de 275.000 euros

As achegas impulsarán proxectos como campos de voluntariado de educación medioambiental, brigadas deseucaliptizadoras, 'Defende o mar a través do surfing', 'Microscopia micolóxica', ou custodia do territorio e educación ambiental.

O deputado de Transición Ecolóxica e Medio Ambiente, José Ramón Rioboo, destacou a implicación "que debemos ter desde as administracións públicas á hora de dar apoio ás organizacións que traballan neste senso para conseguir os obxectivos de desenvolvemento sostible marcados pola Axenda 2030"