A presidenta do Consello Regulador da Denominación de Orixe Monterrei, Lara Da Silva, e o alcalde de Verín, Gerardo Seoane, asinaron un convenio de colaboración entre as dúas entidades destinado á organización da próxima edición da Feira do Viño de Monterrei, que terá lugar entre o 12 e 14 de agosto.
Este convenio recolle, por escrito, as cuestións das que se encargará cada entidade. O mesmo inclúe aspectos como montaxe do recinto feiral, publicidade ou actuacións musicais, entre outros.