Costas financiará con fondos europeos a rexeneración da praia da Concha


O delgado do Goberno en Galicia, José Miñones, volveu a Vilagarcía para inspeccionar, xunto ao alcalde, Alberto Varela, o estado no que quedou o renovado Paseo Marítimo tras o remate da segunda fase das obras de acondicionamento integral e accesibilidade levadas a cabo por Costas do Estado.

No transcurso da visita, o responsable estatal comentou que os técnicos do departamento dependente do Ministerio de Medio Ambiente están traballando na redacción do proxecto de rexeneración integral da praia da Concha-Compostela, actuación que ten como obxectivo principal eliminar o problemático cadillo. 

Dada a complexidade e o elevado custe da actuación, Miñones anunciou que se recorrerá aos fondos europeos para financiala.