Banco Peregrino no albergue de Pontevedra para socializar


Os concelleiros Iván Puentes e Yoya Blanco achegáronse esta mañá ata o Albergue de Peregrinos de Pontevedra, acompañados polo presidente da Asociación de Amigos do Camiño Portugués, Tino Lores, e o responsable comercial da firma Caminando Contigo, Jonathan Mato, para inaugurar o novo Banco Peregrino (BanPe) recentemente instalado nos accesos ao edificio xacobeo.

Ademais dun lugar no que os peregrinos poden sentar e socializar, esta peza de mobiliario pretende converterse nun elemento humanizador do Camiño, sostible, dixital e interactivo, cun deseño sinxelo que ten como característica definitoria a frecha amarela que tódolos camiñantes identifican coa viaxe a Compostela.