Xoanqui Ameixeiras dinamiza a praza de Arousa con obradoiros


A Concellería de Promoción Económica vén de programar unha nova actividade para dinamizar a Praza de Abastos de Vilagarcía de Arousa, promocionar os produtos que nela se venden e atraer nova clientela.

Será mediante a celebración dos obradoiros de cociña que o famoso cociñeiro da TVG, Xoanqui Ameixeiras, desenvolverá no espazo gastronómico do mercado municipal, sito no primeiro andar da Praza, e que estarán abertos ao todo o público que, ademais de ver como se elaboran diferentes receitas poderán preguntar ao cociñeiro sobre os pratos, os produtos ou as técnicas culinarias a utilizar.

As sesións comezan o día 5 de maio e prolongaranse ata finais de ano cunha periodicidade de dous obradoiros ao mes. Serán en xoves alternos e en horario de mañá, de xeito que poidan acudir os clientes que van á Praza e para que xente interesada en asistir aos obradoiros teña unha nova escusa para pasar polo mercado público.

Os pratos que se prepararán en cada sesión elaboraranse con ingredientes que se poden atopar propia praza de abastos, aproveitando os produtos frescos e de tempada. Incidirase de forma especial nas receitas saudables para traballar na formación e difusión dos hábitos de alimentación saudables. Pero tamén se terá en conta io aspecto económico, para o cal, se afondará na denominada cociña de aproveitamento que se fai mediante a utilización de sobras de pratos que se poden converter en receitas saborosas e moi asequibles para o día seguinte.

Dadas as dúas vertentes, a de dinamización da praza de abastos e de difusión de hábitos de alimentación saudables e económicos, a acción finánciase a través da lo programa Vilagarcía Avanza financiados cos fondos europeos das EDUSI a través da liña “Actuacións para o apoio a familias vulnerables”.