A Ruta do Viño do Ribeiro presenta o documental O camiño do viño. Historia dun arrieiro



A Ruta do Viño do Ribeiro presenta o documental O camiño do viño. Historia dun arrieiro.Trátase dun traballo audiovisual que pon en valor os recursos do noso territorio a través da figura senlleira do arrieiro. O dito traballo foi impulsado pola Ruta do Viño en colaboración coa Secretaría xeral de Política Lingüística da Xunta de Galicia e o Consello Regulador da Denominación de Orixe Protexida Ribeiro. A presentación oficial deste documental celebrarase o vindeiro 23 de febreiro de 2022, ás 19:30 horas, no Teatro Principal de Ourense (Rúa da Paz, nº9).