Queixos e meles de podio


Eis os podios da XXIV Cata dos Queixos e a XX Cata dos Meles de Galicia. Na DOP Queixo Tetilla os premiados foron Queinaga, Don Crisanto e Terra de Melide, ouro, prata e bronce, respectivamente. Na DOP Arzúa-Ulloa, Diqueixe, Terra de Melide e Barral, ademais de ouro en curado para Artelac. En Sn Simón da Costa, Fontelas, ouro; e Daniberto, prata; e na DOP Cebreiro, ouro para Catelo en fresco; e ouro tamén para Santo André en curado.

No tocante á Cata dos Meles, en Multiflorais, Hosta das Colmeas, Manuel Sande e O Trob o Mel do Valdouro, ouro, prta e bronce, respèctivamente; O Poder das Flores, Mel O Testeiro e Labrega Mel, coparon no mesmo orden anterior o podio de Monoflorais; ee Colleirins foi ouro en Mel de Bosque.

O conselleiro do Medio Rural, José González, acompañado polo director da Axencia Galega da Calidade Alimentaria, José Luis Cabarcos, presidiu a entrega dos premios. Alí, puxo os produtos distinguidos como exemplo de que Galicia etiqueta Calidade, en alusión á nova campaña da Xunta para divulgar o bo facer da xente do mar e do agro que se deu a coñecer tamén no marco da I Mostra de Calidade Alimentaria que se clausurará esta tarde no Pazo de Quián, no concello coruñés de Boqueixón.