A Asociación Provincial de Empresarios de Hostalería e Turismo de Lugo (Apehl) rexeita publicamente os ataques recibidos por un dos seus socios, Rubén Pinín, propietario do Contraste Food&Drinks, de Burela, en diferentes redes sociais por defender o uso do certificado covid no seu establecemento.
O presidente de Apehl, Cheché Real, condena esta situación sufrida polo hostaleiro e advirte que “o certificado covid é unha garantía sanitaria non só para o sector senón tamén para os nosos clientes e cidadanía en xeral.
Ante o aumento progresivo de casos que estamos a sufrir, é unha ferramenta que pode facilitar o funcionamento da hostalería evitando restricións máis prexudiciais para o desenvolvemento do noso traballo, como poden ser reducións de aforamentos e horarios ou novos peches”.