Enerxías renovables para aumentar a competividade do agro galego


O director da Axencia Galega da Calidade Alimentaria (Agacal), José Luis Cabarcos, destacou a importancia de apostar polas enerxías renovables como fórmula para mellorar a competitividade das explotacións agrogandeiras galegas. Isto, engadiu, faise especialmente necesario diante do cambio de paradigma do custo da electricidade e tamén, por suposto, para fomentar a economía circular como panca de vantaxe competitiva do sector.

Así se pronunciou na clausura dun seminario sobre a instalación de miniplantas de biogás nas explotacións galegas organizado pola Consellería do Medio Rural, a través da Agacal, e que se desenvolveu no Centro de Formación e Experimentación Agroforestal (CFEA) de Sergude, na localidade coruñesa de Boqueixón. Esta iniciativa está enmarcada no Plan de transferencia para o apoio ás actividades de demostración e de información ao agro galego 2021.