A Terminal de Cruceiros do Porto da Coruña recibiu este mércores o Mein Schiff 6, nave de TUI Cruises, segundo cruceiro deste ano na cidade herculina tras o Viking Sky que atracara o pasado sábado e segundo desde a pandemia da Covid-19.
No peirao coruñés foi recibido polas autoridades encabezadas polo presidente da Autoridade Portuaria da Coruña, Martín Fernández Prado e o xerente de Turismo da Coruña, Moisés Jorge Naranjo, quen intercambiaron as tradicionais placas conmemorativas.
Nesta ocasión, o barco con capacidade para 2.400 persoas, chegou á cidade herculina limitado polas precaucións sanitarias a 1.115 persoas. Ademais, foi recibido por un trío musical coruñés que amenizou o recibimento aos turistas, quen fixeron diversas excursións pola cidade e vilas próximas.