O Gran Fondo Ézaro enche de cor e vida as estradas da Costa da Morte


O Gran Fondo Ézaro, o espectáculo ciclista máis grande de Galicia, regresou este domingo ás estradas da Costa da Morte e a enfrontarse ás ramplas do 30% do 'Muro' de Ézaro tras un ano de ausencia motivada pola covid-19. Foi cun estrito protocolo de seguridade que incluíu test de antíxenos previos para todos os participantes e que fixo desta cita o primeiro evento deportivo masivo da comunidade da era postcovid, 100% seguro.

Foron un milleiro os participantes que volveron a encher de deporte e de cor as estradas da Costa da Morte, un pelotón que contou con nomes coñecidos da talla de Samuel Sánchez, Óscar Pereiro, Delio Fernández, Gustavo César Veloso, Samuel Blanco ou Alex Marque, entre outros.