A D.O. Monterrei comezou en Madrid o seu ciclo de iniciativas promocionais previstas para este ano 2021. Nesta primeira acción organizaron dúas quendas, para cumprir coa medidas hixiénico-sanitarias e a normativa de redución de aforos por mor do Covid-19.
En cada un dos pases houbo 55 participantes, que coñeceron de primeira man a historia e tradición vitícola da zona, características edafoclimáticas, variedades de uva e tipoloxía de viños, ou a importancia dos lagares rupestres, entre outros aportes.
Os participantes nesta acción promocional puideron catar viños elaborados por distintas adegas da Denominación como Pazos del Rey, Ladairo, Gargalo, Valderello, Vinos Lara, Crego e Monaguillo, Terras do Cigarrón, Triay Adegas de Oímbra, Tapias Mariñán, Fragas do Lecer, Vía Arxéntea, Pazo de Valdeconde, Tabú, Alba Al-Bar , Quinta Soutullo e Trasdovento.