Este vernes pecha o prazo para participar no ITB Berlín có Clúster de Turismo

O Clúster do Turismo de Galicia participará na feira internacional de turismo de ITB Berlín, que este ano se celebrará en formato virtual, do 9 ao 12 de marzo de 2021. Para as persoas que queiran participar na feira abriu fai uns días o prazo para rexistrarse como visitante profesional no ITB Berlín virtual. 

O “visitante comercial” terá acceso a  área de rede na que se pode contactar vía chat / correos electrónicos coas empresas que se consideren de interese, o acceso a todas as presentacións no auditorio. e a  zona de expositores onde poden visitar e solicitar citas aos expositores participantes, sen límite de reunións. 

Este acceso ten un custo de 99 euros que o Clúster asumiría integramente para un máximo de 20 participantes. Para iso, é necesario que os que desexen participar como “visitante comercial” envíen un correo electrónico a secretariatecnica@clusterturismogalicia.com manifestando o seu interese e incluíndo o nome da empresa, enderezo e teléfono,  nome e apelidos do representante da empresa, correo electrónico e contacto telefónico.

A data límite para a inscrición será o venres 26 de febreiro ás 12:00 horas. O rexistro realizarase por orde cronolóxica de solicitude e limitando o acceso a un representante por entidade.