O Entroido ou Carnaval é unha festa de carácter tradicional que se celebra entre os meses de febreiro e marzo, coincidindo co período inmediatamente anterior á Coresma, Carnval, de carne levare, verba que procede do latín introitus, que significa "entrada" ou "comezo" da primaveira.
O Entroido é a festa máis trouleira
do ano na que os costumes se relaxan e os roles se inverten. Trátase dunha
celebración de longa tradición popular en Galicia, sobre todo na provincia de
Ourense.
É unha celebración por todo o alto á que calquera se pode unir,
recomendablemente disfrazado e con moitas ganas de divertirse. Sin difrace
correremos o risco de sufrir uns lategazos; de que lle boten fariña ou formigas
vivas; ou de ter que invitar a una rolda de vinos.
Nestas terras de Breogán, o Entroido vai ligado á gastronomía e á boa
mesa. Suculentos pratos que ten como protagonista ao porco e de acompañantes as
patacas, os grelos e as fabas e os garavanzos. De sobremesa, filloas, orellas, bica;
e de remate, un bo licor café, que o galego é seica o mellor do
mundo.
En
Galicia hai nove entroidos que teñen recoñecemento de interese turístico: o Entroido de Xinzo de Limia (coas pantallas)
é Festa de Interés Turístico
Internacional; de Interés
Turístico Nacional o de Verín (cos cigarróns).
Outros
sete teñen o recoñecemento de Festas de Galicia de Interese Turístico:
o de Cobres (coas damas e
os galáns), o de Laza (cos
seus peliqueiros), o de Viana do Bolo (no que o personaxe central é o boteiro ),
o Folión Tradicional do Entroido de Manzaneda (coas mázcaras), os Xenerais do Ulla, o Entroido de Maceda (cos felos)
e o Entroido de Vilariño de Conso (co boteiro coma
personaxe estelar).
Pero
hai máis entroidos en Galicia: o de Pontevdra, co loro Ravachol como persoeiro
central; A Voda da Pita (Eiroás, Cudeiro, en Ourense); O Oso de
Salcedo (A Pobra do Brollón, Lugo); As Bonitas (Cartelle, Ourense); Os Choqueiros. (A Coruña); Os Vellaróns (Riós, Ourense); Os Volantes (Chantada, Lugo), os Vellaróns /Riós, Ourense)
ou, entre outros de menos sona, os Vergalleiros de Sarreaus (Ourense) con
máscaras, equiparables aos cigarróns de Verín ou aos peliqueiros de Laza.
A maioría das festas gastronómicas
máis madrugadoras do ano van ligadas ao Entroido: A Feira do Cocido de Lalín, a
do Porco Celta de Sarria, a do Petote de Cerdedo Cotobade, a da Filloa de
Lestedo, a do Lacón con Grelos de Cuntis, a da Androlla de Viana do Bolo e de
Navia de Suarna, a do Butelo da Fonsagrada e o Barco de Valdeorras, o Baile da
Cachucha de Sober, a Feira do Grelo de Monfero e de As Pontes ou a da Cachuca,
a Bica, o Xestré e o Licor Café en Laza.