Turismo da Coruña presentou o proxecto Agasalla Coruña, unha iniciativa online de impulso e apoio ao turismo, hostalaría e comercio da Coruña que ten como obxectivo poñer en valor os negocios e pequenas empresas locais.O concelleiro de Relacións Institucionais, Turismo e Seguridade Cidadá Juan Ignacio Borrego e a concelleira de Comercio, Mercados e Barrios Diana Sobral, presentaron o proxecto xunto a Lanzada Calatayud, xerenta do Consorcio de Turismo da Coruña e Richard Huerta, presidente de Hospeco.
Estiveron acompañados acompañados de Txisco Frías e Carmen No como representantes de comercio e os cociñeiros Iria Espinosa e Xoán Crujeiras.
Agasalla Coruña (www.agasallacoruna.com) é un escaparate online a disposición dos comerciantes e hostaleiros da cidade adicada á venda de experiencias de turismo, comercio e gastronomía na Coruña. A través deste site os usuarios poden mercar bonos experiencia para agasallar (en formato individual ou de experiencias cruzadas) e apoiar deste modo o comercio e hostalaría local da Coruña.