O Concello de Sober, que debido á pandemia tivo que adiar no seu momento a Feira do Viño de Amandi –celébrase sempre coincidindo coa fin de Semana do Domingo de Ramos- remota a súa celebraciópn esta fin de semana. “Non podíamos perder a celebración do cadraxésimo aniversario da feira polo que tivemos que reinvertanos, reinventarnos ou non facer nada”, sinala o alcalde Luis Fernández.
-Como vai ser esta edición da Feira do Viño de Amandi, que máis que feira será unha mostra?
-Efectivamente, preparamos unha mostra alternativa para profesionais que celebraremos no salón de eventos do Hotel Pazo de Sober. O formato da mostra será similar ao do túnel do viño de Amandi, que se celebrou os últimos anos en Sober coincidindo coa Feira da Rosca.
-Cantas adegas partipan na mostra?
-Haberá viños de 30 adegas da Subzona de Amandi e a entrada será mediante invitación dirixida á hostalería e restauración, distribución e prescriptores especializados. Teremos tamén a cata concurso, na que se entregarán premios aos tres millores tintos xóves, un premio ao mellor branco, e outro ao mellor viño tinto doutras anadas.
-Que horaio ten a mostra?
-O sábado día 5, de 11 a 14:30 e de 16:30 a 20:30; e o domingo día 6, de 11 a 14:30 faranse públicos os gañadores da cata concurso e, antes do acto de clausura, procederemos á entrega de premios.
-Haberá pregón?
-Sí, a cargo de Benedicta Sánchez, gañadora don Goya, pero será virtual, retransmitido a través das redes sociais.
-O longo deste pasado mes xa viñestes celebrando diversas actividades relacionadas coa feira…
-Efectivamente, celebramos o Mes do Amandi, con actividades, entre outras, na Escola de Hostatalería de Rosende; lanzamos a campaña nas redes Amandízate, este nadal brinda con viños da Subzona de Amandi para axudar aos nosos adegueiros na comercialización dos seus viños, campaña que repetiremos ao longo do vindeiro ano.
-E tamén xa pensando na vindeira edición?
-Claro, pois está á volta da esquina. Coincidindo coa fin de semana do domingo de Ramos como foi sempre, tería que celebrarse os días 27 e 28 de marzo e todo fai pensar que terá que ser nun formato parecido ao deste ano.