Sae ao mercado o primeiro vinagre do Ribeiro de pemento de Herbón


Vinagres do Ribeiro vén de elaborar un novo produto , neste caso en colaboración coa empresa Pementos Carmucha. Trátase dun vinagre que continúa a liña de aromatizados artesanais Albarro (XPI, XPII e XPIII), definidos pola acetificación artesanal, non adicción de sulfitos e aromatizados, neste caso con Pemento de Hebón, e que sairá ao mercado nos vindeiros días. É o cuarto produto da liña de aromatizados da adega, a única de Galicia que elabora vinagres de viño por métodos artesanáis.

Froito de seis meses de experimentación na busca da combinación idónea para acadar un produto gourmet, con só dous ingredientes e sen ningún tipo de conservante: un vinagre artesanal de viño blanco do Ribeiro con máis dun ano de crianza, macerado con pemento deHerbón.

O resultado é un vinagre de complexidade aromática, con notas moi definidas de pemento verde. Un vinagre de sabor intenso, que combina unha fresca acidez elegantemente suavizada pola crianza e a intensidade punzante propia do pemento de Herbón con marcada persistencia.

Impresión final harmoniosa con retrogusto que nos deixa descubrir debaixo da sensación picante unha multiplicidade de sabores, cos matices do viño orixe acentuados pola acetificación artesanal. Un vinagre sen letra pequeña.

Apropiado para os amantes dos sabores picantes e intensos, sen esquecer a elegancia dos sabores auténticos e naturais. Sen máis artificios nen misturas que a combinación de dous productos naturais con orixe claro e determinado, Vinagre artesanal de viño Ribeiro e pemento de Padrón, sen engadir ningún tipo de conservante.