HGg&T_226 DÍAS DE VIÑO E VIÑAS
Unha das xoias da coroa de Galicia, na que a sobrecolledora beleza dos
canóns do Miño e do Sil se suma á sorprendente concentración de igrexas e mosteiros románicos… e por suposta a unha cultura vinculada ao viño que a distingue e a
fai única, cunhas viñas distribuidas en bancais que se converteron na súa imaxe
máis emblemática, sinónimo desa viticultura heroica que por estas datas pode
ser descuberta en primeira persoa polo visitante.
Para non perderse a Ruta do Viño propón unha selección de establecementos tematizados para gozar do viño, da súa paisaxe, dos seus monumentos, da súa
artesanía, das súas tradicións e da súa xente en parella, en familia, con
amigos, durante unha escapada de fin de semana, uns días de vacacións ou un
longo retiro. Unha guía con bodegas, restaurantes, actividades e aloxamentos, imprescindible para gozar dunha Ribeira Sacra que vive o seu mellor
momento.
Visitar grandes e pequenas bodegas, antigas e modernas, ou maridar os viños coa excelente gastronomía local nos restaurantes da zona.