O tenente de alcalde do concello da Estrada, Juan Constenla, trasladou a HGg&Tonline sua preocupación pola sucesiva perda de establecementos hostaleiros senlleiros da vila, a raiz do anunciado peche do restaurante Nixon: “é unha auténtica mágoa para a localidade o peche do restaurante Nixon, como pasou anteriormente co Puerta del Sol e Casa Trabazo, pois eran os tres principais referentes gastronómicos da nosa localidade. Erran tres establecementos históricos con moita tradición pero, hai o temos que aceptalo.”
"Nixon"
de A Estrada pecha as súas portas logo de 45 anos como un dos referentes
gastronómicos da capital da comarca de Tabeirós Terra de Montes, e mesmo de Galicia. Comezou a súa andaina alá
por 1975 con Severino Pérez, “Tito”, ao fronte, converténdose nun abandeirado
do salmón, o rei do Ulla que noutros tempos abundaba no dito cauce fluvial.
Glorioso o menú de gustación que, aínda que non era de salmón salvaxe, acadaba
o sobresaínte.
Referenciado nas principais guías españolas e ben tratado pola crítica
especializada -seus cocidos, seu solombo ao queixo galego- na actualidade estaba rexentado polo fillo do
fundador, Ricardo Pérez, quen xustifica o
peche pola crise provocada pola pandemia da
Covid-19. Coa desaparición do Nixon, desaparece
tamén o pé que quedaba do “triángulo máxico” estradense, que compartía na mesma confluenza co Puerta
del Sol (referente no eido dos cócteles), e Casa Trabazo, recoñecida polos seus cocidos,
con lista de espera de varios meses.