O Luar do Sil e Viña de Fornos , gañadores da XXI Cata Oficial dos Viños de Valdeorras

O Luar do Sil Godello 2019 de Pago de los Capellanes S.A, en viños brancos, e Viña de Fornos Mencía 2019 de Fornos GRS C.B, en tintos, foron os gañadores da XXI Cata Oficial dos Viños de Valdeorras. O acto de entrega dos premios tivo lugar no Hotel Monumento Pazo do Castro, emprazado no Barco de Valdeorras.

En brancos, o segundo e terceiro, respectivamente, premio recaiu Alán de Val Godello 2019 de Adega Alán S.A.T. e Casal Novo Godello 2019 de Adega O Casal S.A.T; e en tintos foron para O Cepado Mencía 2019 de Adega O Cepado S.L. e Viñaredo Mencía 2019 de Bodega Santa Marta S.A.T.

As mencións especiais “viños doutras añadas” recairon en Mil Rios Godello 2018 de Terriña S.L., no caso dos brancos, e Domus Crianza 2014 de Bodega Roandi S.L., no caso dos tintos.

Un total de 21 adegas cun total de 57 referencias distintas (29 tintas e 28 de branco) participaron na Cata, que tivo lugar nas instalacións do Consello Regulador o pasado 10 de xullo e na que participaron como avaliadores oito catadores expertos.