O Museo do Viño de Galicia, sito en Santo André (Ribadavia) foi o escenario elexido para presentar O director da Axencia Galega da Calidade a nova colleita 2019 do viño institucional Evega, producido nas parcelas da propia Estación de Viticultura e Enoloxía de Galicia.
No acto estiveron presentes o director da EVEGA, Juan Casares, o director da Axencia Galega da Calidade Alimentaria (Agacal), Manuel Rodríguez, o vicepresidente da Deputación de Ourense, Rosendo Fernnadez, o alcalde de Ribadavía, César Fernández, entre outrtas aotoriades.
O viño branco está elaborado con variedades de albariño, treixadura, godello, branco lexítimo e loureiro branco; mentres que no tinto están presentes as variedades mencía, sousón, brancellao, caíño tinto e mouratón.
A colleita do viño Evega vense realizando dende o ano 2016 e prodúcense arredor de 550 botellas de branco e de tinto anuais. No caso da colleita 2019, a etiqueta conmemora a saída do prelo do primeiro número da revista Nós, de aí que vaia ornamentada con debuxos que Castelao deseñou para a orla das páxinas deste boletín mensual da cultura galega.