En condicións normales, esta fin de semana tocaríamos achegarnos en masa a Ribadavia para brindar cun Ribeiro na 57ª edición da súa feira. Lamentablemente non puido ser, pero os organizadores decidiron no deixar pasar as datas e celebrar a primeira Feira do Viño do Ribeiro Virtual.
A idea do concello de Ribadavia é adicar a fin de semana á promoción e difusión do viño do Ribeiro, situando as redes sociais municipais como punto de encontro das persoas que se darían cita na 57 edición da Feira do Viño do Ribeiro que, de non ser pola emerxencia sanitaria do COVID-19 e o estado de alarma, estaría celebrándose esta mesma fin de semana.
Dentro do programa desta celebración virtual haberá actividades coma un brindis colectivo con viño do Ribeiro, catas comentadas por parte de adegas e colleiteiros da D.O. Ribeiro e moitas outras sorpresas que se irán desvelando ao longo da semana.
Para estar informados só temos que seguir ao concello de Ribadavia en facebook ou twitter. Ademáis, para participar activamente no evento poderemos usar o cancelo #FVRVirtual.