Hoxe coñecemos a realidade de Casa Zolle, unha potente queixería ubicada en Friol que está acusando especialmente a crise do coronavirus debido á alta porcentaxe de produto que servían para hostalería. Cóntanolo o director e fundador da marca, Ovidio Zolle.
Ata que punto vos está afectando a crise sanitaria?
Estámolo notando moito. Nós traballabamos moito con hostalería, así que o frenazo foi moi forte. Estamos facturando mais dun 60% menos. Tiven que reducir persoal, o resto estamos nun ERTE de media xornada…
Os supermercados que traballades non están tirando o suficiente para paliar o batacazo?
Teño supermercados, teño tenda pequena, charcuterías… Pero o baixón foi moi grande. Estou buscando alternativas, a ver se algún supermercado máis dos grandes comezase a collerme produto. Pero como todos están traballando telemáticamente é moi difícil.
Aínda así, confías en aguantar e recuperar o nivel que tiñas antes da crise?
Esperemos que esto aguante, aínda que non o teño moi claro. Eu o que sei é que de 700 kg diarios de queixo que se facían pasei a 300kg cada tres días. Baixou moito a venta. Tiña moito queixo na fábrica preparado para feiras de alimentación como a de Friol, onde vendía entre 3.000 e 4.000 pezas, a feira de Moeche… Pero todo iso acabouse.
Contemplades a venta online como posible solución parcial?
Nós ata agora non traballabamos venta online. Agora o alcalde de Friol preparou unha tenda online e para a semana que vén empezaremos a funcionar con ela. Se funciona ben sería unha marabilla.