Os británicos volven recorrer o Camiño Inglés

Catorce cidadáns británicos comezaron onte en Ferrol a súa peregrinación cara a Santiago percorrendo o Camiño Inglé, converténdose nos primeiro grupo procedente de Inglaterra que realizará este itinerario xacobeo en 500 anos, tras realizar o primeiro tramo entre Finchale e Durham, sinalizado pola Deputación o pasado ano.
O grupo foi recibido no porto de Ferrol polo alcalde da cidade, Ángel Mato, o deputado provincial Antonio Leira, o presidente da Asociación de Concellos do Camiño Inglés e alcalde de Oroso, Manuel Mirás, e membros do goberno municipal.

Antonio Leira deu a benvida aos peregrinos a terras galegas e desexoulles un bo camiño. O deputado lembrou o importante esforzo que está a realizar a Deputación na recuperación e promoción do Camiño Inglés como vínculo histórico entre Galicia e as illas británicas.

Os grupo, que onte completou a etapa Ferrol-Fene, ten previsto chegar á praza do Obradoiro o vindeiro sábado.