Ante o duro golpe que supón o estado de alarma, a asociación de Profesionais do Turismo de Galicia (PROTURGA) impulsa a campaña #eucambiodedata, que anima á sociedade a cambiar as reservas que tiveran para estas datas en lugar de cancelalas.
Trátase de solidarizarse coas pequenas e medianas empresas que forman o tecido empresarial do turismo en Galicia, que afrontan con este período de cuarentena un duro golpe e que de seguro agradecerán un aumento da demanda cando cheguen tempos mellores.
Dende Proturga acompañan a campaña cos hashtags #euapoiooturismogalego e #euviaxoporgalicia, animando igualmente a apostar este ano polo turismo interno cando remate o estado de alarma para apoiar ás empresas galegas en situación de dificultade.
A campaña estase distribuindo a través de redes sociales e pretende crear unha Rede de solidariedade co turismo galego.