Estes xoves 16 de xaneiro profesionais do turismo de Galicia integrados na rede PROTURGA coñecerán in situ o trazado do Camiño Portugués pola Costa para comprobar o potencial esta ruta e detectar os aspectos positivos e aqueles mellorables.
Trátase dunha das 10 viaxes de familiarización en 10 tramos das 10 rutas que compoñen o Camiño de Santiago dentro do programa Facendo Camiño, financiado por O teu Xacobeo.
Os participantes, chegados dende diferentes ámbitos: aloxamento, restauración, axencias de viaxe, guías de turismo, técnicos de turismo, persoal de oficinas de turismo e consultores entre outros comezarán a súa xornada na vila mariñeira de Baiona con visita ao casco histórico e á Casa da Navegación para posteriormente trasladarse á veciña Oia e disfrutar do seu mosteiro. Xa pola tarde realizarase o traslado á localidade portuguesa de Caminha, tomando o transbordador ata a Guarda para camiñar despois seguindo os ritmos do mar. O obxetivo é poder ver a riqueza e variedade da zona como oferta turística complemetaria para o camiñante e poder estudar un camiño que experimentou un meteórico incremento de peregrinos nos últimos anos.
Para rematar a xornada, os profesionais do turismo porán en común as súas apreciacións, destacando os puntos fortes e tamén aqueles aspectos a mellorar.
Dende a Directiva de Proturga móstranse orgullosos desta iniciativa que axudará a potenciar o papel de prescriptores de Galicia aos Profesionais do Turismo, visibilizar a estes profesionais e obter un informe completo sobre o Camiño de Santiago dende a perspectiva de quen traballa nel e para él