Xa coñecemos os gañadores da XII edición do Santiago(é)Tapas e do I Santiago(é)Cóctel, que durante 15 días repartiu máis de 30.000 tapas e 2.000 cócteles na capital de Galicia.
Un concurso no que o primeiro premio é doble, xa que hai un galardón para a mellor tapa tradicional e outro para o mellor petisco creativo, que se levou no primeiro caso as "Manitas Crocantes" da Casa dos Xacobes e no segundo o "Criollo marino" de O Ferro.
A tapa da Casa dos Xacobes, "Manitas crocantes", representará a Santiago no concurso De tapas por Galicia, organizado por Turismo de Santiago, xa que foi a que maior puntuación obtivo unha vez ponderados os votos do público e do xurado profesional.
No tocante aos cócteles, tamén houbo dobre premio. O "Expreso Martini" de A Carrilana conseguiu o premio ao mellor cóctel clásico, mentres que "A kind of magic" do Pub Atlántico se levou o galardón ao mellor cóctel creativo.
Lista de premiados
- Premio ao cóctel clásico Santiago(é)Cóctel 2019, dotado cunha cocteleira, un diploma e 500 euros, para "Expreso Martini", de A Carrilana.
- Premio ao cóctel creativo Santiago(é)Cóctel 2019, dotado cunha cocteleira, un diploma e 500 euros, para "A kind of magic", de Pub Atlántico.
- Premio Maridaxe Mahou Santiago(é)Tapas 2019, dotado cun diploma, unha figura, 500 euros en produto e un showcooking nun evento Mahou, para "Empanada líquida de bonito de Burela", de Lume.
- Premio Tapa do Público na categoría tradicional Santiago(é)Tapas 2019, dotado cun diploma, unha figura e 700 euros, para "Manitas crocantes", de Casa dos Xacobes.
- Premio Tapa do Público na categoría creativa Santiago(é)Tapas 2019, dotado cun diploma, unha figura e 700 euros, para "Lacón con grelos", de Artesana.
- Segundo Premio á Tapa Creativa Santiago(é)Tapas 2019, dotado cun diploma, unha figura e 500 euros, para "Coci-Dillo", de Xuntanza.
- Segundo Premio á Tapa Tradicional Santiago(é)Tapas 2019, dotado cun diploma, unha figura e 500 euros, para "Mexillón viaxeiro", de A Viaxe.
- Primeiro Premio á Tapa Creativa Santiago(é)Tapas 2019, dotado cun diploma, unha figura e 1.000 euros, para "Criollo marino", de O Ferro.
- Primeiro Premio á Tapa Tradicional Santiago(é)Tapas 2019, dotado cun diploma, unha figura e 1.000 euros, para "Manitas crocantes", de Casa dos Xacobes.