"Fest Clásico Ribeira Sacra" con bras de Boccherini, Weberm, Mendelssohn e Schubert

Con obras de Boccherini, Weberm, Mendelssohn e Schubert os municipios da Peroxa e de Nogueira de Ramuín prepáranse acollerán o "Fest Clásico Ribeira Sacra" os días 6 e 7 de setembro, A presentación deste evento cultural tivo lugar no Pazo Provincial, acto no que participou o vicepresidente da Deputación de Ourense, Rosendo Fernández; os alcaldes da Peroxa e Nogueira de Ramuín, Manuel Seoane e César Parente; a directora e o coordinador, Beatriz Blanco e Álvaro Llorente.

A Deputación de Ourense colabora con este evento que levará "a música clásica a lugares emblemáticos da nosa provincia", dixo Rosendo Fernández, quen animou á xente a asistir a este evento que "aglutina música, cultura e patrimonio". Neste mesmo sentido, Manuel Seoane dixo que é "unha gran oportunidade para gozar dun festival que celebrará a súa primeira edición nos concellos da Peroxa e Nogueira de Ramuín".

O "Fest Clásico Ribeira Sacra" comezará o 6 de setembro, ás 20.00 horas, na Igrexa do Mosteiro de Santo Estevo de Ribas de Sil. E, ao día seguinte, retomarase a actividade cultural ás 12.00 horas na capilla A Granxa, nos Peares. Por último, ás 20.00 horas, trasladarase a programación a Igrexa de Santiago de Carracedo.

A directora do Festival explicou que o obxectivo desta iniciativa cultural é "intentar potenciar, coa nosa arte, a riqueza cultural da zona achegando ao público a enclaves con forte interese cultural e promover así o coñecemento dos valores paisaxísticos e artísticos e, ademais, a nosa idea tamén é apoiar e contribuír na difusión da candidatura da Ribeira Sacra a Patrimonio da Humanidade".