Incluidas na programación das festas de San Roque en Betanzos, e logo de que hoxe pola noite tome voo o globo de pepel máis grande do mundo, as dúas Xiras dos Caneiros teñen lugar os días 18 e 25 de Agosto. Esta particular romaría ten lugar no río Mandeo.
Nesas datas o río énchese de barcas engalanadas que transportan aos asistentes á parte máis alta do río para gozar da festa no campo durante todo o día. Pola noite céase nas embarcacións. No momento de partida pódense observar espectaculares fuegos acuáticos.
Téñense noticias da celebración na prensa diaria do século XIX. Nas súas orixes, os brigantinos, despois dos tres días “grandes” das festas de San Roque, e despois de elevar o globo de papel máis grande do mundo, acudían en barco a un campo situado ás beiras do Mandeo para pasar unha tarde de merenda ao son das gaitas.