Ferrol consolídase como o quinto punto de partida das poboacións elixidas polos peregrinos para iniciar o percorrido cara a Compostela, por diante de localidades situadas no Camiño Francés, como O Cebreiro ou León, e só superada por Sarria, Saint Jean Pied de Port, Porto e Tui.
Sucede que o Camiño Inglés duplicou o número de peregrinos no s últimos cinco anos e todo indica que en 2019 superará de novo o seu propio rexistro.
Segundo os datos que manexa a Oficina do Peregrino, organismo do cabido da Catedral, no primeiro semestre deste exercicio completaron este itinerario xacobeo que ten en Ferrol o seu punto de inicio un total de 5.686 persoas.
Son un milleiro máis que no 2018, exercicio que marcou un fito nas estatísticas do Camiño Inglés ao contabilizarse 14.150 camiñantes acreditados coa compostela ao finalizar o ano.